15 mart 2006-cı ildə "Heydər Əliyev irsi" Beynəlxalq Elektron Kitabxanasında Qərb Universitetinin politologiya və jurnalistika fakültələrinin tələbələri ilə görüş keçirilib. Elektron Kitabxananın icraçı direktoru Fuad Babayev kitabxananın fəaliyyəti, Azərbaycan xalqının ümummilli lideri Heydər Əliyevin irsi və onun təbliğinin əhəmiyyətindən danışıb. Qərb Universiteti politologiya kafedrasının müdir müavini Elçin Rizayev bu cür görüşlərin tələbələr üçün böyük əhəmiyyətə malik olduğunu qeyd edərək, belə tədbirlərin müntəzəm xarakter almasının vacibliyini vurğulayıb.